O pasado sábado, 21 de novembro falecía o poeta Carlos Oroza (Viveiro, Lugo, 1933), autor inclasificable, adscrito á poesía underground e, para moitos, o representante español da xeración Beat, Oroza foi amigo de Laxeiro dende os anos setenta nos que coinciden en Madrid onde o escritor Francisco Umbral o califidou como o poeta maldito do Café Gijón, Carlos Oroza foi un poeta da palabra falada, destacando polos seus recitais e accións poéticas en directo. Conta con algo máis de media ducia de libros publicados. Na década dos sesenta fundou, xunto a Víctor Lizárraga e Victoria Paniagua, a revista Tropos e recibiu o Premio Inernacional de Poesía Underground en Estados Unidos. Nos anos setenta, despois de residir en Madrid e Estados Unidos, elixe a cidade de Vigo como a súa localidade de residencia. En 2008, coincidindo co centenario do nacemento de Laxeiro, a Fundación Laxeiro concédelle, por aclamación, o Premio Laxeiro, como recoñecemento a toda unha traxectoria a prol da poesía.