NOITE BRANCA, 2025
A Fundación Laxeiro súmase ao programa Noite branca, promovido pola Concellería de Cultura do Concello de Vigo, unha convocatoria que, dende 2013, contribúea á dinamización da Rede de Museos Municipais, coa ampliación dos horarios de visita e a organización de actividades específicas, constituíndo no seu conxunto, unha oferta cultural variada e transversal que celebra a cultura como actividade de encontro cidadá no espazo público, para o que se amplían os horarios dos museos ata a 01.00h da madrugada do sábado ao domingo.
Coa man nas tripas. Acacia Ojea
Como parte das actividades da exposición sonora Ollo á orella, o venres, 10 de xaneiro, ás 19.30h, a artista Acacia Ojea (Vigo, 1994), levou a cabo unha sesión sonora inspirada na fisicidade do son e no ruído dixital, a partir dos que a artista e investigadora recreou un espazo de atención auditiva mediante a selección de diversos materiais sonoros sintéticos que interactuaron entre si.
Ollo á orella. 8 obras sonoras e 1 partitura colectiva
Ollo á orella é un proxecto comisariado por Ignacio Barcia, profesor titular da Facultade de Belas Artes de Pontevedra, quen reúne a un grupo de artistas, que nalgún momento estudaron nesa facultade, cuxos traballos se sitúan entre a arte sonora, o audiovisual, a instalación e a performance.
Este proxecto constitúe a segunda achega do convenio asinado coa Universidade de Vigo, en virtude do que se inclúe un proxecto expositivo vencellado á Facultade de Belas Artes, como parte da programación anual de exposicións temporais da Fundación Laxeiro.
LIÑA E GARABATO. Recursos expresivos no debuxo de Laxeiro
A Fundación Laxeiro presenta este proxecto que, mediante unha escolma de obras sobre papel, pretende afondar nos recursos expresivos que un debuxante excepcional como era Laxeiro, utilizaba para desenvolver o seu universo estético, narrativo e artístico.
Esta exposición propón un achegamento ao debuxo de Laxeiro a partir da coexistencia da liña limpa e o garabato, dous recursos que conforman os dous extremos expresivos a partir dos que o noso pintor construíu un dos máis sólidos discursos estéticos da arte galega do século XX.
A revista Grial, no seu número 239, publicou un interesante artigo asinado por Javier Pérez Buján, sobre “A barca Espacial”, unha das obras máis destacadas de Laxeiro.
A revista Grial, no seu número 239, publicou un interesante artigo asinado por Javier Pérez Buján, sobre a “A barca Espacial”, unha das obras máis destacadas de Laxeiro.
Laxeiro, paisaxes de adolescencia
Por primeira vez, a Fundación Laxeiro expón sete obras sobre papel datadas a finais dos anos vinte e principios dos trinta, que mostran a mirada dun Laxeiro adolescente que, despois da súa estadía na Habana, retorna ao seu Lalín natal decidido a ser artista. Estas obras ilustran como un Laxeiro, aínda adolescente, aprendía a pintar e a debuxar a partir do seu territorio visual máis inmediato.
As paisaxes rurais da bisbarra do Deza, descóbrennos un Laxeiro paisaxista insólito, pouco tempo antes de adoitar unha mirada propia que cambiaría o tema da paisaxe por escenas con personaxes, coas que foi construíndo a súa singular obra.
Laxeiro e a arte da súa época. MARCO, Museo de Arte Contemporánea de Vigo
O MARCO, Museo de Arte Contemporánea de Vigo, quere culminar o ano Laxeiro, que finaliza en abril de 2023, coa exposición titulada “LAXEIRO e a arte da súa época”, unha mostra de produción propia comisariada polo director do Museo, Miguel Fernández-Cid.
Un poema para Laxeiro. Barreiro / Pulido
A Fundación Laxeiro continúa coas súas actividades no marco do Ano Laxeiro, con motivo do acordo da Real Academia Galega de Belas Artes de dedicar a Laxeiro o Día das Artes 2022. Neste caso, cun proxecto expositivo no que dous artistas vinculados ao pintor, como José M. Barreiro (Forcarei, Pontevedra, 1940) e Antón Pulido (Amoeiro, Ourense, 1944), réndenlle homenaxe nunha exposición conxunta.
Laxeiro descoñecido II. Obras inéditas de segunda época
Dentro das actividades programadas no Ano Laxeiro, con motivo do acordo da Real Academia Galega de Belas Artes de dedicar a Laxeiro o Día das Artes 2022, a Fundación Laxeiro ofrece a segunda achega da serie titulada Laxeiro Descoñecido, que continúa mostrando unha pequena parte do traballo de investigación e localización de obra que a Fundación Laxeiro vén desenvolvendo dende o seu inicio.
