21 de febreiro de 2014. Xantar Homenaxe a Laxeiro

O vindeiro 23 de febreiro, Laxeiro cumpriría 106 anos e, como ven sendo habitual, o Padroado da Fundación Laxeiro sumarase aos amigos, admiradores e colegas do Mestre no xantar que, no restaurante Toñi Vicente (antigo Puesto Piloto) e, ao redor dun lacón con grelos, nos reúne para lembrar a memoria de Laxeiro e compartir unhas horas en agradable compaña.

Este ano, por coincidir o día 23 en domingo, adiantaremos a comida ao

VENRES, 21 DE FEBREIRO DE 2014,  ás 14.30 horas.

Esta xuntanza non estaría completa sen ti, polo que te animamos a que compartas con nós estes momentos de homenaxe e recordo a unha das personalidades máis sobranceiras do mundo da arte e, ao tempo, un amigo entrañable, próximo e xeneroso.

 

XI PREMIO LAXEIRO

Antes de comezar o xantar, darase a coñecer o nome da persoa ou institución premiada, co Laxeiro 2014 que será elixida na reunión que o Padroado da Fundación Laxeiro celebrará ese mesmo día pola mañá. Con este galardón a Fundación Laxeiro recoñece toda unha traxectoria de traballo a prol da nosa cultura.

 

RESERVAS

menú en galego

O restaurante Toñi Vicente lémbranos que o aforo é limitado e que as inscricións se realizarán por rigorosa orde de reserva, polo que vos pregamos que non o deixedes para última hora, coa fin de podervos ofrecer o servizo e calidade que os merecedes. Toñi Vicente vai facer, novamente, o esforzo de manter o prezo de 35 € por persoa, como en anos anteriores. Rogámosvos que, para centralizar as reservas e o pagamento, as realicedes a través da Fundación Laxeiro para que, como moi tarde, o 20 de febreiro, o restaurante poida saber exactamente o número de persoas participantes.

Por esta razón pregámosvos que, se estades interesad@s en asistir, contactedes coa Fundación Laxeiro antes do 20 de febreiro, indicando o nome de quen realiza a reserva e os nomes e número de comensais, mediante as seguintes vías:

 

Correo electrónico: info@laxeiro.es               Teléfono 986 43 84 75 (horario de 10:00 a 14:30h)

 

OPCIÓNS DE PAGAMENTO

Ingreso en conta:

Titular: Fundación Laxeiro

Entidade: Novacaixagalicia

IBAN: ES4020805000693040268491 (indicando no concepto: 23-F seguido do teu nome)

 

Cargo en conta mediante recibo bancario. Para o que precisamos os datos bancarios de cada comensal. (nome, enderezo, iban, etc.)

 

SORTEO DUN EXEMPLAR DO CATÁLOGO UNIVERSAL

Como xa ven sendo habitual, con cada reserva realizada, e como mostra do noso agradecemento polo voso inquebrantable apoio e cariño a Laxeiro, a Fundación Laxeiro entregará un resgardo numerado que dará a posibilidade de participar no sorteo dun exemplar do Catálogo Universal de Laxeiro que se efectuará na sobremesa.

 

Libreria Laxeiro

Fundación Laxeiro

A Fundación Laxeiro foi constituída legalmente o 23 de febreiro de 1999 por acordo do Concello de Vigo e da Familia do pintor sendo declarada polas consellerías da Presidencia e Administración Pública e de Cultura, Comunicación Social e Turismo, da Xunta de Galicia, de INTERESE CULTURAL e de INTERESE GALEGO respectivamente.

Fundación Laxeiro © 2017 All Rights Reserved

Policarpo Sanz, nº15, 3º - 36202 - Vigo - Tel/Fax.: 986 438 475

Aviso Legal | Política de Privacidade | Panel de Control | Contactar

Xunta de Galicia: Consellería de Educación e Ordenación universitaria Xunta de Galicia: Consellería de Economía e Industria. Dirección Xeral de Comercio

AGADIC Axencia Galega de Industrias Culturais Concello de Porriño Pinturas Proa Transporte Urbano de la Ciudad de Vigo