O venres, 2 de decembro, o festival TRANSLITTERA recalou en Vigo, na sede da Fundación Laxeiro para continuar co seu labor de transgresión literaria e apertura cara outros medios de expresión.
Patrocinado polo Consello da Cultura Galega, TRANSLITTERA é unha experiencia que, a través de cinco Fundacións espalladas por toda Galicia, amosa unha panorámica bastante completa da creación poética galega máis contemporánea.
Artistas participantes en toda a itinerancia
Antón Lopo, Iván Prieto, Carlos Santiago, Pepe Sendón, Yolanda Castaño, Rafael Xaneiro, Estevo Creus, David Creus, María Lado, Lucía Aldao, Manolo Cortés, Cristina F, Lomarti, minus bálido, Ana Cibeira, Carlos Quiroga, Nela Que, Roi Fernández, Ig.,
Artistas participantes na Fundación Laxeiro
Estevo e David Creus, Pepe Sendón, Cristina F., María Lado e Lucía Aldao, Rafael Xaneiro e Carlota F. Fraga, Ana Cibeira
Realizaron intervencións poéticas nas que a palabra, a imaxe audiovisual, a performance e a festa, foron os protagonistas. Ademais de adentrarse en ámbitos da experimentación con linguaxes diversas, TRANSLITTERA busca unha intereacción co público, na procura de rachar coa fronteira existente entre creador e lector, adentrándose en parámetros relacionais que persiguen un feddback co que as devanditas accións completan o seu sentido comunicacional.
Colabouración entre cinco fundacións galegas
Este proxecto é froito da colaboración das seguintes fundacións: Fundación Eugenio Granell, Fundación Luis Seoane, Fundación Laxeiro, Fundación Wenceslao Fernández Florez e Fundación Otero Pedrayo e supón unha experiencia insterinstitucional que se pon ó servizo da anovación cultural, neste caso, literaria.