"Vigo" tag

Círculos de confusión. Valentín González. 26 de maio-25 de xuño

Por primeira vez, o fotógrafo Valentín González (Xixón, 1955), presenta o seu traballo en Galicia. Baixo o título Círculos de confusión, reúne unha selección de trinta obras que ilustran o percorrido creativo emprendido por este singular artista, hai máis de vinte anos.

Exposición “Anomia” de Rosa Úbeda. 13 de maio – 10 de xullo de 2016

Rosa Úbeda (Pontevedra, 1958) presenta na Fundación Laxeiro de Vigo a exposición individual titulada Anomia, un proxecto no que a través dunha selección de obras de diferentes épocas, a artista propón un percorrido pola sintaxe da súa linguaxe pictórica, caracterizada pola mestura de códigos sen máis regras que a súa persoal forma de comunicar. A artista non expoñía en Vigo de forma individual, dende 2005.

Presentación do libro “La luz estremecida” de Pedro Burgos Montero

A editorial Discursiva presenta na Fundación Laxeiro a súa última publicación, un poemario titulado “La luz estremecida” con haikus de Pedro Burgos Montero e ilustracións de Amelia Palacios. A cita srá na Fundación Laxeiro, o venres, 29 de abril ás 20.00h

Amancio Prada, Premio Laxeiro 2016

O galardón foi entregado ao artista polo Presidente da Fundación Laxeiro e Alcalde de Vigo, Abel Caballero, na comida homenaxe a Laxeiro que se celebrou o 19 de febreiro no restaurante Puerta 98 de Vigo

Carlos Oroza. In memoriam

O sábado, 21 de novembro faleceu o xenial poeta viveirense, aos 93 anos, deixando tras de si unha obra irrepetible na que a palabra falada foi sempre a protagonista da súa poesía

The flickering darkness de Juan delGado

Por primeira vez móstrase en España este proxecto audiovisual que ofrece unha reflexión sobre a xestión alimentaria, mediante un audiovisual en tres canles gravado no mercado de Corabastos en Bogotá, o mercado máis grande de Latinoamérica.

A exposición “En tránsito” de María Galán viaxa a Oporto

o proxecto da artista viguesa viaxa a Oporto para amosar, ademais das obras que se viron na Fundación Laxeiro, novas obras que mostran a súa visión da paisaxe portuguesa

A caza de Elena Fernández Prada prorrogada ata o 30 de agosto

A caza é a primeira exposición individual de Elena Fernández Prada en Galicia, despois das individuais Viaje a Surinam en La New Gallery, Madrid, en 2012 e Buscando la felicidad no Centro Tomás y Valiente de Fuenlabrada, en 2014. A artista ven de participar na exposición colectiva titulada “Lo real maravilloso”, no (MOT) Museum of Contemporary Art Tokyo en Japón, ademais de estar presente tamén na exposición colectiva titulada “1915-2015, una relectura del siglo”, dentro do Festival SYMPHONOS que terá lugar os días 9, 10 e 11 de abril no Centro Cultural Conde Duque de Madrid.

O escultor Silverio Rivas gaña o Premio Laxeiro 2015

O galardón, que este ano estrea novo formato, foi entregado por Abel Caballero, presidente da Fundación Laxeiro e Alcalde de Vigo, na tradicional comida anual Homenaxe a Laxeiro. No acto tamén interveu o novo Conselleiro de Cultura, Educación e Ordenación Universitaria, Román Rodríguez González, quen se estranaba como Patrón da Fundación e o Secretario Xeral do Padroado e neto de Laxeiro, Carlos García-Suárez

Fundación Laxeiro

A Fundación Laxeiro foi constituída legalmente o 23 de febreiro de 1999 por acordo do Concello de Vigo e da Familia do pintor sendo declarada polas consellerías da Presidencia e Administración Pública e de Cultura, Comunicación Social e Turismo, da Xunta de Galicia, de INTERESE CULTURAL e de INTERESE GALEGO respectivamente.

Fundación Laxeiro © 2019 All Rights Reserved Policarpo Sanz, nº15, 3º - 36202 - Vigo - Tel/Fax.: 986 438 475

Aviso Legal | Política de Privacidade | Panel de Control | Contactar

Deputación de pontevedra Xunta de Galicia: Consellería de Educación e Ordenación universitaria

Fundación Laxeiro Concello de Vigo