Espantallos 2012-2025. Manuel Sendón
A Fundación Laxeiro presenta este proxecto no que Manuel Sendón retoma o seu traballo de fotografado de espantallos do rural galego para presentalo en Vigo baixo outra mirada, escollendo tres e presentándoos en tres series de imaxes en formato de secuencia, realizadas dende 2012 ata 2015. O artista introduce así o factor temporal e, con el, convídanos a unha contemplación con certa narratividade, na que se pode ver a evolución a través do tempo dos tres espantallos convertidos en personaxes. O proxecto ofrece múltiples reflexións acerca da cultura popular, a reciclaxe característica das culturas labregas e certos puntos de conexión entre a funcionalidade e a estética, ademais de suxerir, a modo de metáfora visual, o estado no que se atopa o agro galego, ou mesmo cara a onde imos no mundo actual.
