21.07.2000 – 02.09.2000
A Fundación Laxeiro truxo a Vigo a Colección do Museo Ramón Mª. Aller, do Concello de Lalín.
Coincidindo co cabodano do pintor, a Fundación Laxeiro inaugurou o 21 de xullo, na pranta primeira da Casa das Artes, a exposición titulada Os Laxeiros de Lalín. Colección do Museo Ramón María Aller. Unha mostra composta por 36 pezas que Laxeiro doara ó Concello de Lalin.
Nesta exposición, composta case na súa totalidade por debuxos sobre papel, podemos gozar da gran facilidade que o Mestre tiña para o debuxo. Dende a súa estadía en Cuba, cando era un adolescente, Laxeiro aprendeu a debuxar e seguiría cultivando esta habilidade ata a súa morte.
A espontaneidade no trazo, a expresividade dos rostros que retrata, xentes do pobo, clientes da súa barbería ambulante, amigos da súa estancia na Arxentina, parientes, grupos de peresonaxes ás veces goyescos e esperpénticos, ás veces delicados. Unha poética que constrúe un mundo propio. Unha visión particular do seu entorno máis inmediato.
A sanguina, o lapis, o carbón e a acuarela son as ferramentas utilizadas para construir unha galería de personaxes que completa unha mostra donde a frescura e a inmediatez son quizáis os rasgos máis salientables da mesma, ó tratarse de debuxos feitos dun xeito desinhibido e espontaneo.
Con esta exposición a Fundación Laxeiro completou a súa oferta expositiva do verán de 2000, adicada totalmente a Laxeiro: A colección permanente, donde se pudo ver unha panorámica da súa producción con importantes pezas da súa traxectoria; a exposición Obra gráfica, composta polas carpetas de gravados Caos Armonía e Homenaje, e a exposición O Laxeiros de Lalín, onde se amosou ó Laxeiro debuxante. Tres facetas do pintor que dan unha visión bastante completa do seu mundo creativo.