Xa o fixo. Xabier Correa Corredoira rematou o seu diálogo pictórico con Laxeiro

Foron dous días intensos, dous días nos que Xabier Correa Corredoira entablou un diálogo pictórico con Laxeiro a través do seu emblemático cadro, titulado Trasmundo, de 1946.

Nesas dúas xornadas, pasaron pola Fundación Laxeiro artistas como Xosé M. Barreiro, Ignacio Pérez-Jofre, Elena Fernández Prada, Din Matamoro, Berta Cáccamo, Silveriro Rivas, Anxel Huete, Antón Goyanes, José Ramón Catalán e outros amigos do artista como Victoria, a viúva de Lodeiro, Román Pereiro, Alfonso Román, Ramón Ilarri, entre outros. O reto non era doado. O trasmundo é quizais das obras máis complexas de Laxeiro, tanto pictórica, como simbólicamente. Xabier, decidido e xeneroso, acometeu o traballo con alegría, mais ao longo das xornadas, houbo momentos de dúbida, e tamén momentos de clarividencia.

O primeiro día, acompañou a acción pictórica o grupo DADGA que aderezou coa súa música tranquila e suave a primeira incursión de Xabier Correa no mundo de Laxeiro. O segundo día a cousa radicalizouse co acompañamento musical do guitarrista Miguel Fraile, quen improvisou paisaxes e texturas sonoras moi estimulantes para o pintor.

Libreria Laxeiro

Fundación Laxeiro

A Fundación Laxeiro foi constituída legalmente o 23 de febreiro de 1999 por acordo do Concello de Vigo e da Familia do pintor sendo declarada polas consellerías da Presidencia e Administración Pública e de Cultura, Comunicación Social e Turismo, da Xunta de Galicia, de INTERESE CULTURAL e de INTERESE GALEGO respectivamente.

Fundación Laxeiro © 2017 All Rights Reserved

Policarpo Sanz, nº15, 3º - 36202 - Vigo - Tel/Fax.: 986 438 475

Aviso Legal | Política de Privacidade | Panel de Control | Contactar

Xunta de Galicia: Consellería de Educación e Ordenación universitaria Xunta de Galicia: Consellería de Economía e Industria. Dirección Xeral de Comercio

AGADIC Axencia Galega de Industrias Culturais Concello de Porriño Pinturas Proa Transporte Urbano de la Ciudad de Vigo