Trasmundo de Laxeiro no Museo Reina Sofía
Con motivo da reorganización da Colección do Museo Nacional Centro de Arte Reina Sofía, a Fundación Laxeiro e o Concello de Vigo cederon temporalmen-te a emblemática obra de Laxeiro, titulada Trasmundo (1946) para ser incluida no novo proxecto expositivo.
Unha nova lectura da Colección permanente
A Fundación Laxeiro presenta unha nova proposta expositiva da coñecida Colección permanente, que muda o percorrido cronolóxico das obras, por unha disposición máis intuitiva, que combina estilos, linguaxes, xéneros e cronoloxía, ademais de incorporar documentación relativa á traxectoria artística de Laxeiro, unha liña de vida e unha sinalética renovada en galego, castelán e inglés.
Son eu, 18 autorretratos de Laxeiro. Da afirmación á disolución do suxeito
Por primeira vez, reúnense nunha exposición a totalidade dos autorretratos de Laxeiro coñecidos ata a data. Dende os anos vinte ata finais dos anos oitenta un total de dezaoito pezas, realizadas en técnicas diversas que ilustran a evolución do artista e a interpretación da súa propia imaxe.
Faílde. Anatomía da pedra
A Fundación Laxeiro trae a Vigo a exposición do único escultor pertencente ao grupo de Os novos e o único escultor que participou con Laxeiro, Carlos Maside, Isaac Díaz Pardo, Julia Minguillón, Manuel Pesqueira e Manuel Prego de Oliver na exposición titulada Artistas Gallegos, na galería Velázquez de Bos Aires, en 1951, organizada polo Centro Gallego de Bos Aires.
Laxeiro-Seoane, cruce de camiños. Debuxos 1930-1950
Un diálogo entre dous membros do grupo Os Novos da Vangarda Histórica Galega, a través de máis de cincuenta debuxos dos anos trinta e corenta.
Os monos de Laxeiro. Obra humorística na prensa
A Fundación Laxeiro presenta unha exposición na que, por primeira vez se poden ver todas as viñetas humorísticas que Laxeiro publicou na prensa, en concreto nos xornais El pueblo gallego e Faro de Vigo, nos anos 1928, 1929 e 1930. Co gallo da exposición, a editorial Laiovento, publica o libro homónimo, no que reproduce a totalidade das viñetas (corenta e nove) acompañadas ademais con textos asinados por Manuel Igrexas, Félix Caballero e Javier Pérez Buján.
Laxeiro sobre papel. Museo Municipal de Ourense, ata o 4 de febreiro
O museo Municipal de Ourense, mostra ata o 4 de febreiro, unha escolma de corenta o cinco debuxos de Laxeiro, a meirande parte, datados nas décadas dos anos trinta e corenta, a través dos que se pode ver a súa evolución estilística e o seu especial talento para o debuxo
Xa o fixo. Xabier Correa Corredoira rematou o seu diálogo pictórico con Laxeiro
Xabier Correa Corredoira cumpriu coa súa promesa. Realizou en dous días, o luns, 16 e o martes, 17 de outubro, a súa persoal versión do Trasmundo que Laxeiro pintara en 1946
Acción pictórica: Xabier Correa Corredoira interpreta a obra Trasmundo que Laxeiro pintara en 1946
Xabier Correa Corredoira dialogará con Laxeiro a través dunha acción pictórica na que interpretará o Trasmundo, unha das obras máis emblemáticas de Laxeiro, pintada en 1946.