06.11.2012
Facultade de Xeografía e Historia da USC
O pasado luns, 5 de novembro foi presentado o ciclo de conferencias titulado “Laxeiro e Os Renovadores da vangarda histórica galega. Orixe, contexto e transcendencia”. Un proxecto organizado pola Fundación Laxeiro en colaboración coa Secretaría Xeral de Cultura da Xunta de Galicia, no que se abordará o legado cultural e artístico do grupo coñecido como Os Renovadores da vangarda histórica galega e o seu contexto no ámbito internacional.
No acto participaron Anxo Lorenzo, Secretario Xeral de Cultura, Francisco Durán, Vicerreitor de Estudantes, Cultura e Formación Continua da USC, Carlos García-Suárez Otero, Director Xeral da Fundación Laxeiro, Xosé Manuel B. López Vázquez, director do ciclo e Javier Pérez Buján, Director Artístico da Fundación Laxeiro.
O ciclo desenvolverase todolos martes do mes de novembro na Facultade de Xeografía e Historia, en horario de 18.00h a 21.00h. Podes consultar os contidos na portada da nosa web.