Caixanova. A Fundación Laxeiro recoñece o compromiso de Caixanova co apoio e difusión da arte e a cultura galegas.
Na Reunión anual ordinaria do Padroado da Fundación Laxeiro, celebrada o 23 de febreiro de 2005, acordouse por aclamación, conceder o Laxeiro 2005 a Caixanova, como entidade empresarial pioneira no eido do Patrocinio Cultural en Galicia, con máis de 25 anos de apoio económico e organizativo ó mundo da Cultura nas súas diferentes manifestacións.
O Padroado entende que esta sensibilidade, demostrada durante todos estes anos, debería ser un modelo a seguir por parte do sector empresarial galego, que devolvería así á sociedade, en forma de servizo social e cultural, parte da riqueza que esa mesma sociedade lle brinda.
