Unha experiencia pedagóxica levada adiante en colaboración co colectivo educativo na que participan anualmente unha media de 3.000 estudantes de Educación Infantil, Primaria, Secundaria, Bacharelato e ciclos formativos.
Que son as nosas actividades didácticas?
Coñece a Laxeiro é unha iniciativa que a Fundación Laxeiro leva desenvolvendo desde o ano 2002. Unha experiencia que, baseada nas obras de Laxeiro que se atopan na Colección permanente, establece liñas de coñecemento da arte do século XX dun xeito transversal, no que, ademais de contidos artísticos, o alumnado recebe nocións de coñecemento do medio e lengua galega, nunha combinación de teoría e práctica, estudada para cada nivel educativo
Nestes dez anos de actividade continuada, as nosas actividades didácticas son xa un clásico na oferta educativa da provincia.
Autoavaliación e mellora continua
As actividades levan implementado un sistema de autoavialiación, mediante unha sinxela enquisa que se lle entraga ao profesorado ao final da actividade. Deste xeito, é posible para nós detectar posibles carencias ou novas demandas do colectivo educativo que contribúen a que a actividade experimente un cambio continuo e unha mellora permanente.
Agasallos para todos
Todo o alumnado e profesorado participante na actividade, leva para casa, totalmente de balde, unha bonita carpeta decorada a partir dunha das obras da Colección permanente, a titulada Os deuses.
As aventuras de Laxeiro. Ademais os rapaces de Educación Primaria, levan un divertido libro para colorear titulado As aventuras de Laxeiro, ilustrado por Federico Fernández, Premio Nacional de Ilustración.
Como participar
Para participar neste programa, é imprescindible poñerse en contacto coa Fundación Laxeiro, chamando ao teléfono 986-43 84 75 en horario de 9.00h. a 14.00h. ou mediante correo electrónico: info@laxeiro.org
Esta actividade é totalmente gratuíta.
